سؤال وجواب

بسم الله الرحمن الرحيم

هحاول فى التدوينة دي اجمعلكم كل المعلومات عن تحويل لفلوس بما يعطى إجابات وافية للأسئلة الى دايما بتتسأل فى الموضوع ده

1-   تعمل حساب فى موقع تحويل أموال و نظرا لعدم وجود خدمة  

Pay Pal

فى مصر فكلنا بنستعمل

moneybookers.com  

واللى اصبح اسمه حاليا

skrill

و بتدخل رقم الحساب و بيانات البنك و هى عبارة عن كود دولى بتاخده من البنك اسمه

SWIFT code

2-   لو عندك حساب فى بنك اعرف بياخد قد ايه فى التحويلات القادمة من الخارج لأن فيه بنوك بتاخد 10$ مع كل تحويل فممكن بشوية مكالمات تليفونية تعرف البنوك الى مش بتاخد رسوم و بتاخد مبلغ صغير و عن نفسى انا بستخدم

HSBC

 لأنه مش بياخد اى مصاريف

3-   لا اخفى عليكم ان مونى بوكرز غلس حبتين بس كله لمصلحتك علشان تطمئن ان فلوسك مش هيحصلها اى حاجة علشان كده بيطلب منك

Address verification or Bank account verification

يعنى ايه الكلام ده

بيطلب منك عنوانك علشان يبعتلك عليه جواب فيه كود تدخله فى الموقع فيعملك التعريف و دى عادة طريقة تبوء دائما بالفشل و الجوابات عمرها ما بتوصل

الطريقة التانية تعريف حساب البنك و هى انه يسمحلك تحول مبلغ اقل من 15$ وهتلافى فى ورق التحويل الى هيوصل على البنك بتاعك كود تدخله فى السايت و بيه يتم التعريف و تقدر تسحب بعد كده ذى ما انت عاوز

فى حالة فشل الطريقة التانية و التحويل موصلش البنك لا تيأس تواصل مع خدمة العملاء و ابعت قلولهم المشكلة هيردوا عليك و يطلبوا انك تعمل سكان ل

bank statement

 تمت على حسابك فى خلال فترة لاتزيد عن 6 شهور و ده بتتطلبه من البنك لو عملت ايداع او سحب و يكون على الورقة دى لوجو البنك و اسمه و اسمك و رقم حسابك و السوفت كود بتاع البنك و غالبا السويفت كود مش بيكون موجود على التمبليت الى بيطبعوا عليها البنك ستيتمنت فتطلب يا إما يكتبوهولك اوتاخد كرت شخصى لموظف فى البنك يكون عليه السويفت كود و تسكان الكارت كمان و تبعت الإثنين

4-   تدخل بقى فى موقع الفرى لانس طريقة السحب يعنى ببساطة بتحط الميل بتاعك على مونى بوكرز فى السايت فى الجزء الخاص ب

withdraw method

5-   كل لما يتجمع مبلغ معقول بعنى حوالى 200$ او اكثر تسحب على مونى بوكرز و منها على حسابك فى البنك و يفضل تخليه بالدولار و تغير انت بمعرفتك من اى صرافة

اتمنى اكون غطيت الموضوع بجميع جوانبه

تحياتى

سمر صبحى

*******************************************************************